Përgatiti: Elena Beta
Ylli i filmave dhe i Mega Tv, Majkëll Foks, u diagnostikua me sëmundjen e parkinsonit në vitin 1991 dhe e bëri të ditur gjendjen e tij për publikun në vitin 1998. Pavarësisht sëmundjes, ai vazhdoi karrierën në botën e televizionit për vite me radhë.
Duke qenë se sëmundja e parkinsonit është një çregullim neurologjik që ndikon në aftësinë e një personi për të ecur dhe lëvizur, aktori thotë se për të ishte shumë e vështirë të luftonte çdo ditë me këtë sëmundje.
Shpeshherë ai i menaxhonte simptomat e sëmundjes duke përdorur ilaçin të quajtur “Sinemet”. Ylli i televizioneve iu dedikua kërkimeve për vite me radhë mbi gjetjen e një kure efikase për kurimin e kësaj sëmundje, duke u kthyer në një pikë të fortë mbështetëse për qendrat e kërkimit të kurave ndaj parkinsonit. “Siç mund ta shihni, unë jam shumë i interesuar mbi kërkimet, pasi besoj se ekziston shpresa për t’u shëruar”, tha ai në një intervistë.
Majkëll Foks është dhe krijuesi i fondacionit “Michael Jackson Fox” në 5 mars 2010, i cili merret me studime kërkimore për shërimin e sëmundjes së parkinsonit, duke përfshirë edhe studimet e qelizave embrionale. Në vitin 2012 ai mori titullin “Doktor” nga Instituti i Drejtësisë i Kolumbisë Britanike si meritë për arritjet e tij si dhe përkushtimin për ngritjen e fondacionit kërkimor për sëmundjen e parkinsonit. Ai konsiderohet si një nga personat më optimist të Hollivudit.
