Një studim i kohëve të fundit nga Administrata e Ushqimit dhe e Barnave (FDA) ka gjetur se 59% e produkteve të çokollatës së errët në Shtetet e Bashkuara përmbajnë edhe sasi qumështi. Dhe fatkeqësisht një gjë e tillë nuk shkruhet në etiketën shoqëruese të produktit.
“Ky mund të konsiderohet një problem, sepse një kafshatë e vogël e një produkti që përmban qumësht, mund të shkaktojë një reaksion të rrezikshëm tek individë të caktuar”, tha studiuesi Binaifer Bedford në një deklaratë për shtyp.
Qumështi është një produkt që shpeshherë shkakton alergji (hyn në tetëshen kryesore të produkteve që shkaktojnë alergji në Amerikë), dhe për këtë arsye ligji amerikan kërkon që produktet të cilat e përmbajnë, ta kenë të shkruar në etiketë.
Edhe nëse çokollata e zezë ka të shkruar në etiketë “antialergjike”, 2 nga 17 produkte rezultonte të përmbanin qumësht. 55 nga 93 çokollata që nuk kishin të shënuar që përmbanin qumësht, në fakt e kishin atë në përbërje, duke nënkuptuar 59% të tyre. Gjithashtu 6 nga 11 produkte të çokollatës që thonin se kishin “pak qumësht” në fakt përmbanin qumësht mjaftueshëm për të shkaktuar reaksione të rënda në individë të caktuar.
“Personat alergjikë ndaj qumësht duhet të tregohen të kujdesshëm kur konsumojnë sasi të mëdha çokollate të zezë sepse ato përmbajnë qumësht edhe nëse nuk e kanë të shënuar në etiketë një gjë të tillë”, thotë Bedford. / Përshtati në shqip: Elena Beta
