Evin Dani, androlog
Kriptokidia (Kriptokizmi) ka qënë dhe vazhdon të mbetet një problematikë. Është një problematikë që duhet zgjidhur që në moshat pediatrike. Kur 
them moshat pedriatike kam parasysh moshat 1 vjeç-3 vjeç. Dhe sot e kësaj dite vijnë raste djemsh të rinj, të martuar, pa fëmijë(sigurisht) me kriptokidi, dhe sinqerisht është për të ardhur keq. Është për të ardhur keq sepse është defekt i mjekësisë sonë, defekt i mjekëve që nuk e konstatojnë në kohë, dhe kur e konstatojnë ndodh të mos e bëjnë problem(hajt se do të zbresë).
Ky fëmijë ka lindur në maternitet, ky fëmijë nuk është parë nga neonatorët apo nga obstetër-gjinekologët. Edhe nëse kalon pa u parë nga neonati, edhe nëse kalon pa u parë nga mjekët në maternitet, nuk duhet harruar që fëmija ndiqet në konsultor për çdo problematikë, herë pas here, për çdo vaksinë.
Mjeku merret shumë me këtë fëmijë dhe shpesh i kalon një gjë shumë e thjeshtë, të vërë dorën për të parë ka apo nuk ka, një apo e të dy testet në skrotum(qese).
