Blerina Bombaj, dietologe
Organizmi i njeriut gjatë gjithë jetës së tij akumulon stres dhe dëmtime që vijnë nga ambienti ku jeton dhe jeta që bën. Në varësi të përbërjes gjenetike të secilit, këta faktorë ambientalë ndikojnë te dikush më shpejt e dikush më ngadalë në plakje dhe 
uljen e kapacitetit fizik. Gjithkush që dëshiron të vlerësojë mirëqenien e tij fizike, mund të bëjë një vlerësim të disa prej bio-parametrave:
- Masa muskulare: në adoleshencë masa muskulare arrin kulmin e formimit të saj. Me kalimin e viteve ajo pakësohet duke arritur në 30% më pak në moshën 70-vjeçare. Ruajtja e masës muskulare dhe mundësisht rritja e saj e mban trupin në formë dhe e mbron nga plakja.
- Masa e tepërt e dhjamit: plakja shoqërohet me rritjen e masës dhjamore e cila depërton në brendësi duke veshur organet. Sa më pak dhjamë të kemi në trup, aq më ngadalë do të plakemi.
- Masa kockore: humbja e masës kockore ndodh në mënyrë të pashmangshme nëse në nuk ushqehemi si duhet, nuk marrim rreze dielli dhe nuk bëjmë aktivitet fizik.
- Tension arterial i lartë: presioni i lartë çon në plakje të parakohshme.
- Pesha trupore e madhe: nëse pesha juaj është më shumë se 25 kg për m2 të gjatësisë, plakja është e sigurt që do të qaset më shpejt seç duhet.
Mund të lexoni edhe:
https://shendeti.com.al/7-rregulla-per-te-luftuar-plakjen/
https://shendeti.com.al/a-e-ngadaleson-plakjen-tai-cia-ja-cthote-studimi-i-fundit/
https://shendeti.com.al/duart-e-bukura-6-keshilla-antiplakje/
