Përbërësit:
600 gr miell- 100ml qumësht
- 200ml ujë
- 20gr gjalp
- 20gr maja birre
- 1 lugë të vogël kripë
- 1 majë luge sheqer
- fara susami për zbukurim
- 1 të bardhë veze.
Përgatitja:
Në një tas të thellë vendosim miellin, shtojmë ujin e ngrohtë dhe qumështin e ngrohtë në të cilin kemi tretur majanë e birrës. Me duar e punojmë brumin disa herë derisa të homogjenizohet dhe pas kësaj shtojmë kripën, sheqerin dhe gjalpin. E punojmë sërisht për rreth 2 minuta dhe formojmë me të një sferë të madhe të cilën e lemë në ambjent të ngrohtë të dyfishojë vëllimin e saj (nevojitet rreth 1 orë).
Pasi ka kaluar kjo kohë, brumin e ndajmë në 6 pjesë dhe me to formojmë sfera të tjera të vogla të cilat i vendosim në tavën e shtruar me letër furrë në distancë te barabartë nga njëra tjetra. Me ndihmën e një thike formojmë një kryq (+) në sipërfaqen e tyre i cili do të lehtësojë fryrjen. I lemë përsëri të vijnë për 1 orë si më sipër.
Në një enë të vogël rrahim të bardhën e vezës me të cilën lyejmë sipër simitet dhe i zbukurojmë me fara susami. I vendosim në furrë të parangrohur në 180°C për 20 minuta. Ju bëftë mirë!
