Nga mjeku androlog Evin Dani për gazetën “Shëndet+”
Ka një ide që qëndron në popull që “Mos u merrni me masturbim, sepse do të shpenzoni “rezervat” për të kryer marrëdhënie seksuale. Në idenë se mund të shpenzosh energjitë dhe dëshirën për të kryer marrëdhënie seksuale. Nuk është e vërtetë, nuk ka një numër herësh të përcaktuar se sa herë mund të bësh seks, sa herë mund të arrish orgazmë. Pra, nuk e zëvendëson seksin.
Nëse një partner nuk ka një partnere ose anasjellta, do të rekomandonim që të merrej me masturbim sepse deri diku e zëvendëson kënaqësinë seksuale, imagjinatën seksuale që zakonisht shoqërohet gjatë masturbimit.
Por në rastet kur një mashkull jepet shumë pas masturbimit, nuk është e këshillueshme. Është akti seksual ai që i plotëson të gjitha nevojat.
Masturbimi duhet të shihet me kujdes nga mjekët nëse vihet re se pacienti, edhe pse i lidhur, merret vazhdimisht me masturbim dhe e arrin kënaqësinë më tepër nga masturbimi sesa nga akti seksual. Në këtë rast themi se është bërë një dominancë, e cila do ta dëmtojë marrëdhënien seksuale në çift.
