Të gjithë hamendësojnë nëse njerëzit beqarë mund të jenë të lumtur apo jo. Sipas studimeve të fundit shkencore, lumturia nuk ka lidhje me të qënurit vetëm ose çift.
Studimi, i titulluar “Për fat të mirë Single”, është kryer nga hulumtuesit në Universitetin e Aukland në Zelandën e Re dhe pohon se njerëzit janë me temperamente të ndryshme dhe qëllime të ndryshme për jetën, për këtë arsye ata i përjetojnë situatat në forma të ndryshme nga njëri- tjetri. Hulumtuesit anketuan 4.000 të rritur dy herë, kur kanë qënë çift dhe kur kanë qënë beqarë.
Njerëzit me “sjellje indiferente” dhe karakter konfliktual, ishin më të lumtur vetëm sepse marrëdhëniet ofrojnë shumë mundësi për konflikte të padëshiruara dhe stres social. Nga ana tjetër, njerëzit të cilët janë të qetë dhe nuk kanë natyrë konfliktuale janë më të lumtur në një marrëdhënie.
Është një bashkëveprim kompleks i mënyrës se si ndjeheni me veten, si jeni në një marrëdhënie në përgjithësi, dhe si jeni në marrëdhënien e duhur. Këto rezultate të reja kërkimore tregojnë se janë vetë njerëzit që i bëjnë martesat e lumtura ose të dështuara.
Ky studim na ndihmon të kuptojmë se pse disa njerëz ndjehen mirë vetëm, e disa të tjerë ndjehen mirë në marrëdhënie./Përgatiti për “Shëndet+”: Elena Beta
