Rreziku i sëmundjeve rritet nëse prekni me duar pjesët e trupit që do t’ju paraqesim më poshtë. Thonjtë janë njohur si “mbledhësit” e papastërtive. Ja përse këto pjesë trupi duhet të preken me kujdes dhe duhet të lahen duart menjëherë:
Fytyra: mos e prekni fytyrën me duar të papastra, madje as kremin e fytyrës mos e aplikoni me duar, por me furçat përkatëse. Nëse jeni në sipërfaqe të pista dhe prekni me duar fytyrën, ka gjasa të rrezikoheni nga infeksionet e lëkurës.
Veshi: sipas otolaringologut amerikan John K.Niparko, nëse prireni të kruani apo “pastroni” veshët me gishtërinj, atëherë ka gjasa të prekeni nga inflamacionet e ndryshme, sepse lëkura në këtë pjesë është shumë e hollë.
Sytë: duhet të shmangni në mënyrë absolute prekjen e syve me gishtërinj, madje mundohuni edhe të mos i fërkoni ata. Nëse kryeni këto veprime, do të përhapni infeksion në sy, do të vuani nga sytë e thatë edhe kruajtjet.
Zgavra e gojës: gishtërinjtë në gojë janë një “simptomë” e ankthit, por sipas një studimi, rreth një e treta e infeksioneve në trup kalojnë nëpërmjet këtij zakoni.
Zgavra e hundës: pastrimi i hundës me gishtërinj është një nga zakonet më të këqija. Sipas një studimi të bërë në vitin 2006, njerëzit që kanë këtë zakon, kanë shans rreth 51% më të lartë për t’u prekur nga bakteret “Staphylococus aureus”.
Zona nën thonj: ekspertët këshillojnë që t’i mbani thonjt e shkurtër, sepse në këtë mënyrë larja e duarve do të jetë me e lehtë dhe bakteret nuk do të akumulohen në mishin poshtë thonjve. Kjo zonë është quajtur si “xhepi” i akumulimit të baktereve dhe mikrobeve, e cila mund të inflektojë të gjithë trupin përmes prekjes së tij apo përmes prekjes së ushqimeve.
Zona e anusit: kjo zonë përmban baktere potencialisht të dëmshme për shëndetin, deklaron mjeku amerikan Jared W.Klein. Pas çdo kontakti me këtë pjesë të trupit, duhet të lani patjetër duart.
Përshtati në shqip për “Shëndet+”: Daniela Bardhi/ Burimi: healthvision
