Katër shtete në SHBA kanë legalizuar marijuanën dhe një sërë ligjesh e kanë lejuar atë për përdorime me qëllime mjekësore. Ju mund të merrni një gjethe kanabis dhe ta shtrydhni në blender të shoqëruar me perime apo fruta të tjera. Thuhet se vlerat më të larta të marijuanës merren përmes shtrydhjes së saj në lëngje të ndryshme. Këto vlera ushqyese nuk mund t’i merrni asnjëherë nga pirja e marijuanës në formë duhani. Ja disa nga përfitimet e lëngut të marijuanës:
Parandalon sëmundje: përfitimi më i fuqishëm i lëngut të marijuanës së papërpunuar është se parandalon një sërë sëmundjesh. Ky lëng është përcaktuar si “medikamenti parandalues” sepse i jep një nxitje mjaft të madhe sistemit imunitar, përmirëson funksionimin e trurit, është anti-inflamator si dhe ndihmon në shëndetin e kockave. Sigurisht që kohë më parë, kanabisi është përdorur tek pacientët që kanë kancer dhe është provuar se ai ndalon rritjen e qelizave kancerogjene.
Është antioksidant i shkëlqyer: marijuana ka veti antioksidante që do të thotë se parandalon oksidimin e molekulave në trup. Oksidimi i molekulave dhe qelizave në trup është një nga elementët që mund të shkaktojë kancer dhe probleme të tjera shëndetësore.
Rrit metabolizmin: marijuana ka veti të shkëlqyera që rrisin metabolizmin dhe për pasojë ju ndihmojnë edhe në humbje peshe dhe heqjen e yndyrës (dhjamit) rreth organeve.
Përmirëson komunikimin ndërmjet qelizave nervore: lëngu i marijuanës ka të bëjë me restaurimin e komunikimit të dyanshëm në qelizat nervore.
Përshtati në shqip për “Shëndet+”: Daniela Bardhi/ Burimi: medicinalJane.com
