Për gazetën “Shëndet+” mjekja Laureta Koçi
Era e keqe e gojës mund të vijë për arsye të ndryshme, që nuk ka të bëjë ndoshta drejtpërdrejt me gojën. Mund të kemi probleme me gjakun, me mëlçinë, me traktin tretës etj. Por nëse i lan dhëmbët dy herë në ditë, nëse përdor një mente, nuk 
ndodh të vijë erë e keqe. Higjiena duhet të jetë absolute.
Fëmijët e kanë ose nga higjiena e keqe, ose nga bajamet. Nëse pyet pediatrin, thuajse çdo fëmijë ka tonsilit dhe bajamet janë vatër shumë e mirë infeksioni. Duke qenë vatër e mirë infeksioni, ka shumë erë. Fëmijët e kanë kryesisht nga tonsilat.
Përdorimi i çamçakëzave
Përdorimi i një çamçakëzi apo një menteje është i rekomandueshëm. Nuk rekomandohet përdorimi i tepërt, sepse lodhet muskulatura e fytyrës, jep dhimbje koke. Kanë të mira, por kanë edhe të këqijat e veta.
I rëndësishëm është përdorimi i fijes dentare. Sot i jepet shumë përparësi në literaturën tonë. Thonë më mirë përdor fillin dentar sesa furçën. Në fakt, studimet kanë treguar se përmes fillit dentar është mundur të gjendet vakti i fundit i disa njerëzve edhe qindra vite pas vdekjes.
Urojmë që njerëzit të fillojnë ta përdorim. Njerëzit që janë me implante, me ura sipër, fillin dentar duhet ta kenë të përditshëm. Nuk ka ndonjë filozofi në përdorim. Do ishte mirë të përdorej pas çdo vakti.
