Për gazetën “Shëndet+”, Alma Hoxha, mjeke infeksioniste
Mononukleoza infektive, e njohur edhe si sëmundja e puthjes është një sëmundje me përfundim të favorshëm me përjashtim të rasteve kur sëmundja zhvillohet tek personat me imunodeficencë ose sëmundje kronike, tek ata që mund të bëjnë rupture të shpretkës, ndërlikime neurologjike dhe obstruksion të rrugëve të frymëmarrjes nga edema e fytit të cilat mund të çojnë deri në vdekjen e pacientit.
Mononukleoza infektive është një nga shkaqet e sindromës së lodhjes kronike që karakterizohet me lodhje të theksuar, dhimbje muskulare, dhimbje artikulare dhimbje të kokës temperaturë subfebrile dhe depresion psikik.
Mjekimi
Mjekimi në rastet e lehta është simptomatik, duhet të kemi kujdes temperaturën dhe edemën e theksuar të grykës dhe mund të përdorim aciklovir dhe interferon për të ndaluar replikimin viral. Përdoren antibiotikë vetëm në rastet kur kemi ndërlikim të anginave nga streptokoku. Në këto raste nuk lejohet ampicilina.
Këshilla:
- Pastërtia vetjake
- Për çdo rast që dyshohet për këtë sëmundje të drejtohen te mjeku infeksionist.
- Periudha e sëmundjes është më e përhapur në pranverë dhe vjeshtë,
- Te të rinjtë sëmundja është më e përhapur, sepse ata puthen më shumë.
