Përgatiti për “Shëndet+”: Elena Beta
Nuk ka asnjë pilulë magjike që mund t’ju bëjë të jetoni më gjatë, por e njëjta gjë nuk mund të thuhet për ushqimin.
Një studim nga Shkolla e Shëndetit Publik në Harvard publikoi në 4 gusht 2015, një studim ku thuhej se njerëzit që hanin ushqime pikante pothuajse çdo ditë, kishin rrezik 14% më të ulët për të vdekur krahasuar me njerëzit që hanin ushqime pikante një herë në javë.
Hulumtuesit vlerësuan informacionin shëndetësor dhe dietat e gati 500.000 njerëzve në Kinë nga viti 2004 deri në vitin 2008, duke i mbikëqyrur ata edhe disa vjet më vonë. Studimi ishte vëzhgimor, kështu që nuk ka treguar se të gjitha ushqimet pikante kanë qënë shkak që njerëzit të jetojnë më gjatë. Njerëzit që i kanë konsumuar rregullisht erëzat, veçanërisht specat djegës të freskëta, kishin më pak të ngjarë të vdisnin gjatë periudhës së studimit në krahasim me ata që konsumuan ushqim me erëza më rrallë. “Disa dëshmi nga studime të tjera tregojnë se përbërësit bioaktive që ndodhen në ushqimet pikante, mund të ulin kolesterolin” e keq “dhe trigliceridet si dhe të përmirësojnë inflamacionin”, thotë autori i studimit Dr. Lu Qi.
Kini kujdes: ushqimet pikante mund të shkaktojnë rritje të acidit të stomakut tek disa njerëz, duke shkaktuar urth. Duhet të konsultoheni me mjekun nëse doni t’i konsumoni ato.
Burimi: http://www.health.harvard.edu/
