Përshtati në shqip për “Shëndet+”: Daniela Bardhi
Mimoza është një lule që rritet në pemë dhe është e njohur si pemë mëndafshi persike.
Në Kinë mimoza është e njohur si lulja që sjell lumturinë kolektive, kjo për faktin se ajo është lulja e parë që çel dhe për shkak të aromës së saj të fortë e karakteristike.
Në Azinë Juglindore, Kinë dhe disa vende të Lindjes mimoza është përdorur që kohë më parë si një bimë medicinale.
Të gjitha pjesët e një lulje mimoza mund të përdoren për trajtime të ndryshme mjekësore duke filluar nga rrënjët, gjethet, kërcelli e deri tek topthat e vegjël të verdhë të lules.
Në mënyrë që të përfitoni të gjitha përfitimet e saj medicinale lulja mimoza duhet të thahet mirë për një periudhë relativisht të gjatë kohore. Bima ka veti shumë të mira anti-inflamatore, por në disa raste edhe antibakteriale.
Lulja mimoza mund të trajtojë enjtjet dhe inflamacionet, plagët, gjakderdhjet, diabetin, dhimbjet e veshkave dhe astmën. Ajo mund të trajtojë ndjeshmërinë e lëkurës dhe sëmundjet e tjera si presionin e lartë të gjakut, pagjumësinë, ethet etj.
Mimoza mund të përdoret në formë pluhuri në gatime të ndryshme delikate dhe në formë çaji.
Përveç të gjithave, mimoza është lulja që të fal pozitivitet, qetësi, relaksim dhe harmoni.
Burimi: earthclinic.com
