Përshtati për gazetën “Shëndet+”: Blertina Koka
Nëna e dy fëmijëve mori në korrik të 2014-ës lajmin e trishtë se i kishin mbetur vetëm dy javë jetë, pasi vuante nga kanceri i stomakut.
Edhe pse kanë kaluar më shumë se 18 muaj, ajo vazhdon të jetë akoma gjallë, dhe këtë mrekulli ajo ia dedikon ushqimeve të shëndetshme që ka ngrënë gjatë kësaj kohe. 37-vjeçarja Natasha Grindley, nga Liverpuli, thotë se heqja dorë nga ushqimet e yndyrshme, dhe zëvendësimi i tyre me ushqime të pasura me vlera ushqyese dhe lëngjet e frutave po e ndihmojnë në luftën kundër kancerit.
Menjëherë pasi mori lajmin e hidhur, ajo nisi një kimioterapi në një klinikë private në Liverpul. Përveç trajtimit, ajo vendosi të gjejë terapi shtesë, duke hequr dorë nga ushqimet me yndyrë dhe sheqernat, dhe duke i zëvendësuar ato me një dietë të pasur me vlera ushqyese.
Brenda pak javësh kanceri filloi të zvogëlohej, dhe kjo falë ndryshimit të mënyrës së jetesës dhe të ngrënit. Pavarësisht këtij rasti, ekspertët paralajmërojnë se nuk ka prova që sëmundja e kancerit mund të shërohet vetëm me dietë ushqimore të pasur, me ushtrime ose terapi alternative, por duhet të kryhet edhe kimioterapia.
Burimi: Daily Mail / http://shendeti.com.al/
