Pyetje e ardhur në info@shendeti.com.al
E kam vajzën 11 vjeç dhe në qafë i janë shfaqur 2 gjendra. Mjekët nuk po ma bëjnë tragjike. Çfarë këshille më jepni?
Përgjigjet për gazetën “Shëndet+” mjeku endokrinolog, Dashamir Gjergji
Kur themi gjendra në qafë, nuk nënkuptojmë që doemos janë tiroide. Mundësia më e madhe është që vajza të ketë kaluar gjendje infektive, për shembull infeksion të bajameve, infeksion dhëmbi, probleme me mishrat e dhëmbëve dhe si rrjedhojë organizmi ka reaguar duke rritur gjendrat limfatike (nyjet limfatike).
Nuk do të thoja problem i madh apo i vogël, por duhet të bëjë një eko të qafës dhe gjak komplet që të orientohet te mjeku përkatës. Nëse bëhet fjalë për infeksion, duhet të shkojë te infeksionisti, ndërsa nëse është prekur tiroidja, duhet të konsultohet me endokrinologun.
