Përshtati për gazetën “Shëndet+”: Blertina Koka
Një 90-vjeçare ka hequr dorë nga trajtimet për sëmundjen e kancerit dhe ka vendosur t’i shfrytëzojë ditët e mbetura në udhëtim me familjen e saj. Vetëm dy ditë pasi ndërroi jetë bashkëshorti i saj, gruaja amerikane Norma u diagnostifikua me kancer në mitër.
Edhe pse doktorët i shpjeguan se mund të operohet për tumorin dhe t’i nënshtrohet një kimioterapie, Norma refuzoi që t’i nënshtrohet këtyre trajtimeve. Djali dhe nusja vendosën që ta mbështesin vendimin e saj dhe i janë bashkuar në udhëtimin nëpër të gjithë Amerikën.
“Na e bëri shumë të qartë se nuk ka interes t’i nënshtrohet asnjë trajtimi. Ne e pranuam dhe e mbështetëm vendimin e saj.
Vendimi i saj u aprovua edhe nga doktori, i cili i tha: “Sinqerisht, nuk ka asnjë garanci që do të mbijetojë pas operacionit për të hequr tumorin. Po bëni gjënë e duhur që edhe unë do të bëja po të ndodhesha në këtë situatë. Bëfsh qejf!”
Norma, djali i saj, nusja dhe qeni i quajtur Ringo po shijojnë tani udhëtimin në vende të ndryshme në Amerikë.
Burimi: Daily Mail / https://shendeti.com.al/
