Përshtati për gazetën “Shëndet+”: Blertina Koka
Një doktor shumë i aftë në profesionin e tij kreu vetëvrasje pasi kishte frikë se problemet shëndetësore me të cilat po përballej kohët e fundit do ta pengonin që të ishte “më i miri” në profesionin e tij si mjek.
Matthew Tuppeny ishte i vendosur të bëhej i suksesshëm, por kishte prej gjashtë vitesh që vuante nga depresioni, pasi nuk doli mirë me një provim në universitet. 30-vjeçari i dha fund jetës së tij pasi mori një mbidozë ilaçesh.
Ai njihej si një i ri i talentuar, i cili kishte studiuar për mjekësi në Universitetin e Bristolit dhe donte të bëhej doktor për të ndihmuar të tjerët. Por, në vitin 2009 ai u diagnostifikua me depresion, si shkak i ndarjes nga e dashura pas një lidhjeje 4-vjeçare, dhe pasi dështoi në një provim në universitet.
Nëna e tij tregon për mediat amerikane se djali i saj nuk ishte mësuar të dështonte, dhe që pasi doli keq në një provim në universitet, ai filloi të vuante nga depresioni.
Incidenti në universitet ndikoi tek shëndeti i tij mendor dhe që prej asaj kohe ai filloi të vuante nga depresioni. Ai po mendonte për të ardhmen. Nuk do ta besoja se kishte menduar të vetëvritej. Ishte aq pozitiv dhe i lumtur”, shprehet nëna e tij Wendi.
Burimi: Metro.co.uk / https://shendeti.com.al/
