Pyetje e ardhur në info@shendeti.com.al/ FB: Gazeta Shëndeti
Jam një vajzë 18 vjeçe dhe kam disa shqetësime: dhimbje koke, migrenë, por nuk di si të veproj që të qetësohem. E para nga migrena. E dyta, kam si mpirje të qafës për shkak se kam qenë në ankth dhe e stresuar shumë këto kohë ndoshta kjo është pasojë e mpirjes së qafës. Gjithashtu, shpesh ndihem shumë e dëshpëruar për shkak të disa problemeve të miat, sepse prindërit janë sjellë keq me mua disa kohë 
edhe më kanë keqtrajtuar. Doja një këshillë nga ju. Si mundem të rikuperohem, sepse përveç kësaj ndihem shpesh edhe shumë e lodhur. Nuk di si mund të veproj për të qenë më mirë. Faleminderit!
Përgjigjet për gazetën “Shëndet+” psikologia Orjola Plaku
Duke qenë se intensiteti i shqetësimeve ka qenë goxha i lartë (sjellja e keqe e prindërve dhe keqtrajtimi) si dhe kohëzgjatja goxha e gjatë (për disa kohë) është e nevojshme një vizitë tek psikologu.
Rekomandoj që të konsultohet me një psikolog klinicist në mënyrë që të vlerësohen shenjat e ankthit. Në momentin që do të vlerësohet si rast, përcaktohet nëse ka nevojë për psikoterapist/psikolog këshillues.
