Përshtati në shqip për gazetën “Shëndet+”: Blertina Koka
Xhenxhefili është një bimë barishtore shumëvjeçare e vendeve të nxehta ,që njihet për efektet kurative. Në vendet aziatike xhenxhefili është përdorur për shekuj me radhë për qëllime mjekësore. Ja për çfarë mund ta përdorni këtë bimë mjekësore:
Për të lehtësuar tretjen – Nëse keni probleme me tretjen, çaji me xhenxhefil mund t’ju vijë në ndihmë.
Për të ndaluar të vjellat – Xhenxhefili është shumë i mirë kur keni të përziera ose të vjella. Mund ta konsumoni atë para se të udhëtoni me makinë, varkë ose tren. Ndërsa gratë shtatzëna duhet të shmangin përdorimin e xhenxhefilit gjatë gjithë shtatzënisë, sidomos disa javë para se të lindin, pasi mund të shkaktojë lindje të parakohshme të fëmijës (lexoni – kush nuk duhet ta konsumojë xhenxhefilin).
Ndihmon pas kimioterapisë – Falë rolit të tij për të ndaluar të përzierat dhe të vjellat, xhenxhefili mund të jetë i dobishëm edhe gjatë kimioterapisë. Ai ndihmon për shtimin e oreksit, që është shumë e rëndësishme për njerëzit që i nënshtrohen kimioterapisë.
Është antioksidues – Kjo do të thotë xhenxhefili ka fuqinë të luftojë radikalet e lira.
Do t’ju ngrohë trupin – Xhenxhefili luan një rol të rëndësishëm në rritjen e temperaturës në trup duke rritur shtrëngimin vaskular. Kush do ta besonte se një xhenxhefil i vogël mund të bëjë kaq shumë gjëra!
Ndihmon gjatë marrëdhënieve seksuale – Siç e thamë më sipër, xhenxhefili ka aftësinë për të ngrohur trupin, dhe këtu përfshihen edhe organet seksuale. Ai zgjon gjithashtu epshin seksual.
Kuron kollën – Nëse jeni me grip ose kollë, kura më e mirë është çaji me xhenxhefil.
Ul kolesterolin – Sipas studimeve të fundit, xhenxhefili mund të ndihmojë në uljen e nivelit të kolesterolit të keq LDL dhe rritjen e kolesterolit të mirë HDL.
Lehtëson dhimbjet e gjymtyrëve – Xhenxhefili është i pasur me gingerol dhe zingerone, lëndë ushqyese këto që ndihmojnë për lehtësimin e dhimbjeve të gjymtyrëve, të shkaktuara nga artriti. Ja një tjetër arsye përse duhet ta konsumoni xhenxhefilin!
Burimi: MSN / https://shendeti.com.al/
