Përgatiti për gazetën “Shëndet+”: Elena Beta
Shumica e njerëzve luftojnë me pagjumësinë pjesën më të madhe të natës. Insomnia mund ta lerë një person të shqetësuar dhe të irrituar duke shkaktuar mungesë përqëndrimi gjithashtu.
Gjetja e një zgjidhje të efektshme kërkon zbulimin e shkakut. Gati gjysma e rasteve të pagjumësisë, rrjedhin nga çështjet psikologjike ose emocionale. Ngjarjet stresuese, depresioni, ose një çrregullim ankthi mund t’ju sjellin pagjumësi. Pasi shkaku themelor është trajtuar, pagjumësia përmirësohet.
Mos shpenzoni shumë kohë në shtrat: evitoni tendencën për të shpenzuar shumë kohë në shtrat me shpresën për të rënë në gjumë. Në të vërtetë, më pak kohë në shtrat promovon gjumë më qetësues.
Përdorni shtratin vetëm për të fjetur apo për të kryer marrëdhënie seksuale: shkoni në shtrat vetëm kur ndjeheni të përgjumur. Nëse nuk ju vjen gjumë shkoni në një dhomë tjetër dhe të bëni diçka relaksuese. Qëndroni deri sa të ndjeheni të përgjumur, dhe pastaj kthehuni në shtrat.
Relaksohuni: mendja e shqetësuar është armiku i gjumit. Teknikat për të relaksuar mendjen mund të jenë: meditimi, ushtrime të frymëmarrjes, relaksim progresiv i muskujve.
Burimi: http://www.health.harvard.edu/https://shendeti.com.al
