Edhe pse kanë kaluar tre vjet nga qeveria Rama, kryeministri nuk e fsheh se shëndetësia vijon të mbetet reforma më e vështirë për t’u zbatuar. Nga Divjaka, ku inaguroi poliklinikën që do t’i shërbejë 34 mijë banorëve të qytetit, Rama deklaroi se “Shëndetësia është ndoshta dhe pjesa më e vështirë e gjithë kantierit te madh të reformave të ndryshimit në vend, por padyshim që po hidhet një bazë e rëndësishme”.
Lidhur me investimin më të ri Rama thekson se ”Në Divjakë sot çeli dyert një poliklinikë e standardeve evropiane me pajisje bashkëkohore dhe shërbim të plotë 24 orë; ku përveç shërbimeve tradicionale të mjekut të familjes dhe shërbimit të kontrollit bazë shëndetësor, përfshihen edhe shërbimet e specializuara të kardiologjisë, okulistikës, otorino-laringologjisë, pediatrisë, imazherisë etj”.
Ndërkohë, një vit nga fillimi i check up-it falas në rajonin e Lushnjës, në 17 kabinete janë kryer rreth 21 000 vizita të kontrollit mjekësor bazë./ https://shendeti.com.al/
