Përshtati në shqip për gazetën “Shëndet+”: Blertina Koka
Koreano-jugorët, konsumuesit më të mëdhenj të alkoolit në Azi, mund të lehtësojnë tani dhimbjet e kokës me një akullore. Një rrjet dyqanesh ka hedhur ne treg “Gyeondyo-bar”, e para akullore e krijuar me qëllim eliminimin e pasojave të alkoolit.
Konsumi i tij, sidomos në grup mes kolegëve të punës, është biznes i madh në Korenë e Jugut, ashtu siç janë dhe kurat për dhimbjet e kokës nga të pirët, që gjenerojnë rreth 126 miliardë dollarë në vit, duke filluar nga medikamentet dhe pijet jo-alkoolike deri tek produktet kozmetike për femrat që duan të duken mirë edhe pas një nate teprimi.
Sipas një raporti të Organizatës Botërore të Shëndetësisë për vitin 2014, koreano-jugorët konsumojnë 12,3 litra alkool në vit.
Akullorja me shije grejpfruti përmban 0.7% lëng nga e ashtuquajtura “pemë orientale stafidheje”, element ky i gjendur në një përmbledhje koreane recetash të shekullit të XVII, e që përfshihet edhe në disa pije vendase kundër pasojave të alkoolit.
Një artikull i botuar në vitin 2012 tek “Journal of Neuroscience” zbuloi se ekstrakti i kësaj peme zvogëlon simptomat e dehjes tek minjtë.
Burimi: Reuters / https://shendeti.com.al/
