Përgatiti për gazetën “Shëndet+”: Elena Beta
Të gjithë e dimë shumica e femrave për hir të dukjes bukur dhe elegante, durojnë shumë…këtë mund ta vërtetojnë të gjitha ato “taka-dashëse” që shumicën e kohës përdorin këpucë me taka të larta.
Me siguri mund të keni dëgjuar për shtesat me silikon, të cilat janë një ndihmë jo e vogël për rehatinë e këmbëve kur takat janë të larta dhe mbahen për një kohë të gjatë në këmbë.
Këto shtesa vendosen në pjesën e parme të këpucës në mënyrë që këmba të mos rrëshqasë përpara dhe shmangin dhimbjen dhe formimin e kallove. Gjithashtu mund t’i spërkatni këmbët me pudër bebesh ose shampo të tharë për të mos rrëshqitur, por pak nga ju janë në dijeni të një metode tjetër alternative, efikase!
Bëhet fjalë për një procedurë, për të cilën keni nevojë për leukoplast ose shirit ngjitës mjekësor. Bashkoni gishtin e tretë dhe të katërt (nëse numëroni nga gishti i madh) me leukoplast ose shirit ngjitës mjekësor dhe jeni gati të dilni. Kjo mënyrë bazohet në një teori mjekësore: mes dy gishtave të përmendur gjendet një nerv, që shkakton dhimbje në këmbë. Kur gishtërinjtë ngjiten, presioni është më i ulët në atë nerv dhe kjo rezulton me ecje më të lehtë me taka të larta. Natyrisht, këtë mos e bëni, nëse keni këpucë të hapura dhe gjithashtu mos i ngjitni tepër shtrëngueshëm gishtërinjtë.
Burimi: glamur/https://shendeti.com.al
