Përshtati në shqip për www.shendeti.com.al: Blertina Koka
Ekspertët e syve kanë ngritur një problem shqetësues për përdoruesit e telefonit. Ata po i paralajmërojnë njerëzit mos ta përdorin telefonin në shtrat me dritën fikur, pasi mund t’ju dëmtohet shikimi. Ose të paktën sigurohuni që të përdorni të dyja sytë kur shikoni tek ekrani i telefonit gjatë natës.
Një gazetë britanike publikoi të enjten rastet e dy femrave, të moshës 22 dhe 40 vjeç, të cilat kishin pasur probleme me shikimin për disa muaj. Ato kishin përjetuar humbje të përkohshme të shikimit, për më shumë se 15 minuta, që përsëritej herë pas here. Gratë iu nënshtruan disa ekzaminimeve mjekësore, skanimeve dhe testeve të zemrës, por nuk u gjet asnjë sëmundje.
Pasi u vizituan tek okulisti, arritën të kuptonin se pse kishin përjetuar humbje të përkohshme të shikimit.
Mjeku okulist Gordon Plant, nga Spitali i Syve Moorfield në Londër, shpjegon se të dyja femrat kishin shikuar tek telefoni inteligjent vetëm me një sy, ndërsa ishin shtrirë në shtrat me dritën fikur (syrin tjetër e kishin mbuluar me jastëk).
Dr. Plant i rekomandon njerëzit që të paktën ta shikojnë telefonin me të dyja sytë gjatë natës, përndryshe do të verbërohen.
Burimi: The Guardian / https://shendeti.com.al/
