Përgatiti për www.shendeti.com.al: Elena Beta
Nëse vuani nga ngrirja e muskujve të qafës, jeni të vetëdijshëm se ky problem mund të ndikojë edhe në aktivitetet e përditshme.
Dhimbja e qafës sot është shumë e përhapur. Pozicionet jo të përshtatshme të qëndrimit në këmbë apo ulur, mbajtja e takave të larta, artrozat apo tensionet nervore, ekspozimi në një ambient tepër të ftohtë janë të gjitha motive që shkaktojnë dhimbje në këtë pjesë të trupit si dhe ngrirje të muskujve të qafës.
Duhet të jeni të kujdesshëm gjatë ditës për gjëra të vogla që kanë lidhje me pozicionet e qafës, mund të shmangni një pjesë të mirë të dhimbjeve të shkaktuara pikërisht nga ky shkak. Shprehja e vjetër “shpatullat prapa dhe gjoksin jashtë” është tepër e vl;efshme në këtë rast. Duhet treguar kujdes i veçantë në zgjedhjen e karriges së përshtatshme. Karrigia e atij që kalon shumë kohë ulur duhet të jetë e tipit që të rregullojë gjatësinë. Këmbët duhet të qëndrojnë të mbështetura në dysheme dhe kurrizi të jetë i mbështetur në karrige.
Duhet të tregoni kujdes me pozicionet e qafës në mënyrë që të parandaloni ngrirjen e muskujve:
– Mbani një qëndrim të përshtatshëm
– Shpatullat prapa dhe gjoksin jashtë
– Zgjidhni karrigen e përshtatshme
– Këmbët duhet të qëndrojnë të mbështetura në dysheme
– Kurrizi duhet mbështetur në karrige
– Kujdesuni për pozicionin e kolonës vertebrale
– Bëni ushtrime të vogla të përditshme
Video e mëposhtme jep një shpjegim të plotë të mekanizmit të këtij problemi, si dhe ofron disa metoda të shkëlqyera që do t’ju ndihmojnë të qetësoni dhimbjen, në vetëm 90 sekonda!
