Përshtati në shqip për “Shendeti.com.al“: Blertina Koka
Gjatë stinës së verës duhet të evitoni sa më shumë daljet nga shtëpia në orët e nxehta të ditës, sidomos me fëmijët e vegjël. Nëse mendoni se foshnja do të jetë mirë nëse e mbuloni karrocën me një mbulesë të hollë, e keni shumë gabim.
Edhe një mbulesë shumë e hollë mund të rrisë temperaturën në mënyrë dramatike dhe të rrisë rrezikun për sindromën e vdekjes së papritur të foshnjave. Këshilla vjen nga pediatri suedez Svante Norgren, tek spitali i fëmijëve “Astrid Lindgren” në Stokholm.
Hulumtuesit shkencorë suedezë thonë se mbulesa sipër karrocës së fëmijës mund të pengojë qarkullimin e ajrit dhe të krijojë një nxehtësi të lartë. Sipas tyre, një karrocë e mbuluar në diell bëhet 150C më e nxehtë se një karroce e pa mbuluar.
Nga nxehtësia e lartë mund të shkaktohet edhe sindroma e vdekjes së papritur të foshnjës. Prindërit rekomandohen që të mbajnë fytyrën e fëmijës të pambuluar për t’i mbrojtur ata nga nxehtësia e lartë. Gjithashtu përpiquni t’i mbani fëmijët brenda gjatë pjesës më të nxehtë të ditës, sidomos në orët 11-17.
Burimi: Daily Mail / https://shendeti.com.al/
