Një skandal është denoncuar në portalin “Jeta osh qef”. Mjeku i QSUT injoron vajzën e sëmurë, të cilën e kanë sjellë në urgjencën e spitalit dy mikesha të saj. Ai pranon se është mjek roje dhe gjithçka e përcakton ai për pacienten e sëmurë, por kur vajzat i kërkojnë të thërrasë infermieren që t’i vënë serumin, doktori shprehet: “Nuk jam për këtë punë”.
Vajza është zbehur në fytyrë, i ka ikur ngjyra dhe nuk lëshon asnjë fjalë, ndërsa mjeku në vend që t’i vijë në ndihmë, gjen kohën për të debatuar me të rejat.
Videoja është dërguar në redaksinë e “Jeta osh Qef” nga një lexues i portalit, i cili rrëfen sorrollatjet që u kanë bërë vajzave në urgjencën e spitalit vetëm për vënien e një serumi. Sipas tij, emri i mjekut është Daniel.
“Vajzat ishin studente mjekësie dhe të sëmurën e kishin të afërt. Rreth 1 orë janë sorrollatur nëpër ambientet e QSUT. Ishte mjek roje dhe vajzat e kanë thirr rreth 4 herë se çfarë serumi të vendosnin, por nuk jepte asnjë lloj përgjigje. E njëjta gjë më ka ndodhur dhe me mamin tim para 1 muaji dhe i njëjti doktor”, rrëfen denoncuesi.
