Përshtati në shqip për “Shendeti.com.al”: Blertina Koka
Një tjetër fitore në avancimin e trajtimeve me imunoterapi për kancerin këtë javë. Administrata Amerikane e Ushqimit dhe Barnave ka aprovuar përdorimin e ilaçit të imunoterapisë, i quajtur Keytruda, i cili stimulon sistemin imunitar të trupit, si trajtim i parë për pacientët me kancer në mushkëri.
Me fjalë të tjera, ilaçi mund të jetë trajtimi i parë fare tek pacienti që vuan nga kjo sëmundje, madje para edhe kimioterapisë. Keytruda është ilaçi i vetëm i imunoterapisë i aprovuar për trajtimin e parë tek këta pacientë.
Pra, duket se kujdesi për kancerin në të ardhmen do të jetë vetë sistemi ynë imunitar. Por si e realizon ai këtë, dhe cilët janë pro dhe kundër tij?
“Sigurisht që do të jetë një mënyrë e pavarur e trajtimit të kancerit”, thotë dr. Philip Greenberg, kreu i imunologjisë në një qendër të studimit dhe trajtimit të kancerit në Siatëll.
“Ne gjithmonë flasim për tri shtyllat e terapisë së kancerit, terapia e rrezatimit, kimioterapia dhe ndërhyrja kirurgjikale, dhe mesa duket do të kemi dhe një shtyllë të katërt, e cila është imunoterapia. Ka raste kur ai mund të përdoret i vetëm, dhe ka raste ku mund të ndërthuret me terapitë e tjera”, thotë Greenberg. Ndoshta kjo lloj terapie mund të jetë kryesorja në të ardhmen.
Nga testet e para klinike të kryera në një spital në Sidnei, rezultoi se ky ilaç ishte tri herë më efektiv se kimioterapia, dhe nuk shkakton asnjë efekt anësor.
Ilaçi ‘mrekulli’ kundër kancerit në mushkëri, tri herë më i mirë se kimioterapia
Burimi: CNN/ https://shendeti.com.al/
