Elena Beta, gazeta Shëndet + dhe Shëndeti Online
Dy vëllezër janë arrestuar ditën e mërkurë në Durrës, teksa në gjendje të dehur kanë prishur rendin dhe qetësinë në ambientet e Spitalit Rajonal Durrës.
Lajmi bëhet i ditur nga burimet zyrtare të Policisë së Durrësit, teksa në njoftimin për shtyp thuhet:
Specialistët për Krimet në Komisariatin e Policisë Durrës arrestuan në flagrancë shtetasit:
- Florenc Calamani 31 vjeç, banues në Durrës;
- Dajlan Calamani 25 vjeç, banues në Durrës.
Arrestimi i tyre u bë pasi:
Më datë 28.12.2016, rreth orës 17:45, në gjendje të dehur, kanë prishur rendin dhe qetësinë në ambientet e Spitalit Rajonal Durrës.
Me të marrë njoftimin menjëherë në vendngjarje kanë shkuar Efektivet e Policisë, me qëllim qetësimin e situatës.
Shtetasit e mësipërm nuk i janë bindur uniformave blu dhe në vijim janë shoqëruar në ambientet e Komisariatit të Policisë.
Pasi janë shoqëruar, dy vëllezërit kanë kundërshtuar dhe goditur për shkak të detyrës punonjësit e policisë.
Akuzat e ngritura ndaj dy vëllezërve janë: “Kundërshtimi i punonjësit të policisë së rendit publik në bashkëpunim” dhe “Goditje për shkak të detyrës”.
