Përshtati në shqip: Blertina Koka
E keni dëgjuar edhe më parë dhe nuk do të ndalemi së përsërituri: të rriturit duhet të flenë mesatarisht 7-9 orë në natë. Pse? Fjetja mjaftueshëm është e rëndësishme për shumë arsye shëndetësore – disa prej të cilave mund t’ju surprizojnë.
Disa njerëz mund t’i dinë pasojat e qëndrimit zgjuar deri natën vonë duke parë filma tek Netflix, por mund të mos dinë se studime të ndryshme kanë gjetur lidhje mes orëve të pakta të gjumit dhe obezitetit, diabetit të tipit 2, depresionit, madje edhe sëmundjeve kardiovaskulare.
Kjo nuk është e gjitha. Pagjumësia mund të ngatërrohet me të gjitha llojet e funksioneve të rëndësishme, si sinjalet e urisë në trup, kujtesës, funksionit të imunitetit dhe aftësisë për të marrë vendime.
Ka të dhëna që sugjerojnë gjithashtu se personat që flenë mjaftueshëm duken më të shëndetshëm dhe më tërheqës.
- Gjumi ju mbron nga disa probleme shëndetësore.
- Mungesa kronike e gjumit është lidhur me një sërë rreziqesh të zhvillimit të: diabetit të tipit 2, sëmundjeve kardiovaskulare, obezitetit, depresionit.
- Mungesa e gjumit mund të dëmtojë gjithashtu kujtesën, shikimin, aftësinë për të marrë vendime dhe aftësitë motorike.
- Ajo mund të ndërhyjë edhe tek aftësia e trupit për të luftuar infeksionet.
Burimi: Health / https://shendeti.com.al/
