Përshëndetje Gazeta Shëndeti! Ju lutem, a mund të më jepni ndonjë informacion nga se shkaktohen rrathët poshtë syve edhe në moshë të re. Faleminderit!
Përgjigjet mjekja dermatologe, Blerta Gjoni
Pjesa rreth syve është e përbërë nga lëkurë shumë e hollë dhe delikate, ndërsa muskulatura nga fibra kolagjeni. Duke qenë se në këtë pjesë ka pak ind lidhor, fenomeni i edemës rreth syve ndodh më lehtë se në çdo pjesë tjetër të fytyrës.
Shkaktarët mund të jenë të ndryshëm, duke nisur që nga prirja gjenetike, pagjumësia, lodhja, stresi e deri në patologji të ndryshme, si për shembull anemia. Megjithatë ne nuk mund të vendosim diagnozë, pa kryer një konsultë, pasi duhen marrë në konsideratë shumë faktorë. Mosha, gjinia (ndryshe shprehet tek meshkujt, ndryshe tek femrat) sa e agravuar është etj./ Shendeti.com.al
