Përshtati në shqip: Blertina Koka
Një valë aktivitetesh elektrike në tru, të quajtura “përhapje të depresionit”, duket se shënojnë momentet e fundit para vdekjes, kanë zbuluar shkencëtarët.
Ekspertët ekzaminuan aktivitetin mendor të pacientëve në momentet e fundit të jetës, që duket se paraprin shuarjen e organit tonë më jetik.
Rezultatet sugjerojnë se vetëdija vazhdon të jetë prezente për disa minuta pasi pjesa tjetër e trupit ndalon së shfaquri shenja jetë.
Një ekip neurologësh, përfshirë edhe ata nga Charité–Universitätsmedizin në Berlin, monitoruan sinjalet elektrike në trurin e 9 personave në momentet e fundit të vdekjes.
Secili nga pacientët – nga Berlini i Gjermanisë dhe Cincinnati në Ohajo, kishte marrë dëmtime serioze në tru dhe nuk kishte asnjë shans për mbijetesë. Ekspertët shpresojnë se, duke implantuar elektroda në trurin e subjekteve të testuara, ata mund të zbulonin mekanizmat dhe orarin e vdekjes.
Ata zbuluan se edhe pas 5 minutash pasi një personi i kishte pushuar zemra, qelizat e trurit, ose neuronet, vazhdonin të funksiononin.
Burimi: Daily Mail / Shendeti.com.al
