Përshëndetje! Doja t’ju pyesja për një shqetësim. Më kap lemza shpesh gjatë ditës. Nga se vjen dhe si mund ta kuroj?
Përgjigjet Arjana Rreli, mjeke psikiatre pranë Qendrës Komunitare të Shëndetit Mendor Nr. 3, Tiranë
Lemza nuk është vetëm nervore dhe pacienti duhet ta ankojë atë tek mjeku i familjes. Është ai që e referon më tej tek mjekët specialist kardiolog , gastoenterolog (kur ka lidhje me diafragmën) ose neurolog . Pasi ekzaminimet laboratorike përjashtojnë dy të parat, shkaktarë mund të jetë një problem nervor. Pacienti mund të ketë një konflikt psikologjik të pazgjidhshëm për momentin ose ka kaluar një episod stresi shumë të lartë. Në këtë rast ne ndërhyjmë me psikoterapi individuale, pra me ndërgjegjësim të shpejtë për faktorët që e kanë çuar në ankesë somatike dhe nëse nuk shohim rezultat më këtë, mund të japim edhe medikamente./ Shendeti.com.al
