Një grua 40-vjeçare, e prekur nga COVID-19, e cila ishte edhe shtatzënë, ka ndërruar jetë mëngjesin e sotëm në Kosovë.
Klinika Infektive e QKUK-së njofton se gjatë orëve të para të mëngjesit të datës 21. 04. 2020, në Mjekimin Intensiv të kësaj klinike ka ndërruar jetë pacientja V.P. me vendbanim në Gjakovë (1980) e diagnostikuar me COVID-19. Gruaja ishte shtatzënë dhe ndodhej në mjekimin intensiv të klinikës që prej datës 15 prill 2020.
Numri i viktimave nga coronavirusi në Kosovë arrin në 13, ndërkohë që numri i të infektuarve është 598 ndërsa ai i të shëruarve 123.
