Autoritet shëndetësore amerikane kanë kërkuar pezullimin e përdorimit të vaksinës Johnson & Johnson Covid-19 pas raportimeve të rasteve të rënda me mpiksje gjaku.
Përmes një njoftimi në Twitter, Administrata Amerikane e Ushqimit dhe Barnave njofton se së bashku me Qendrën për Kontrollin dhe Parandalimin e Sëmundjeve (CDC) po hulumtojnë mbi 6 rastet e rënda dhe një sërë rastesh me mpiksje gjaku tek individët që kanë marrë vaksinën Johnson & Johnson kundër COVID-19.
Të gjashtë personat ishin gra mes moshave 18 dhe 48, njëra nga ato humbi jetën dhe një tjetër grua në Nebraska është shtruar në spital në gjendje kritike.
Pothuajse shtatë milionë njerëz në Shtetet e Bashkuara kanë marrë vaksinën e Johnson & Johnson deri më tani dhe afërsisht nëntë milionë doza të tjera janë dërguar për injektim.
“Sot FDA dhe @CDCgov lëshuan një deklaratë në lidhje me vaksinën Johnson & Johnson. Ne rekomandojmë një pauzë në përdorimin e kësaj vaksine,” thuhet në njoftimin e FDA.
Vendimi është një goditje për Johnson & Johnson ashtu edhe për planet e administratës për vaksinimin.
Burimi: BBC
