Nga urologu Rezar Rusi
Shkaku i saktë i ejakulimit të parakohshëm nuk dihet. Më parë mendohej se ishte vetëm psikologjik, ndërsa tani mendohet se është më i komplikuar dhe përfshin një ndërveprim kompleks faktorësh psikologjikë dhe biologjikë.
Shkaqet psikologjike
Disa mjekë besojnë se eksperiencat e para seksuale mund të vendosin një model që është e vështirë të ndryshojë më vonë gjatë jetës siç është:
Gjendjet kur pacienti ngutet për të arritur orgazmën me qëllim të evitojë zbulimin e problemit
Të ndjerit fajtor para partneres duke e bërë të ngutet në kryerjen e aktit seksual
Faktorë të tjerë që ndikojnë janë:
Impotenca. Burrat që kanë ankth përsa i përket pasjes së një ereksioni të mirë gjatë aktit seksual, mund të krijojnë modelin e ngutjes për të ejakuluar, e cila është e vështirë të ndryshojë më vonë.
Ankthi. Shumë burra me ejakulacion të parakohshëm kanë gjithashtu probleme me ankthin qoftë ky i lidhur specifikisht me performancën seksuale, qoftë i lidhur me çështje të tjera.
Probleme të marrëdhënieve me partnerin. Nëse burri ka marrëdhënie seksuale të kënaqshme me partnerë të ndryshëm në të cilat nuk ankohet për ejakulacioni të parakohshëm ose ai është i rrallë, atëherë kur ky problem shfaqet në një partnere të re, ka mundësi që marrëdhëniet ndërpersonale me partneren e re mund të kontribuojnë për këtë.
Shkaqe biologjike
Janë një sërë faktorësh biologjike që mund të kontribuojnë në ejakulacionin e parakohshëm:
- Niveli anormal i hormoneve
- Nivel anormal i disa substancave kimike të trurit që quhen neurotransmetues
- Reflekse anormale të sistemit ejakulator
- Disa probleme të gjendrës së tiroides
- Inflamacioni dhe infeksioni i prostatës dhe uretrës
- Tipare trashëguese
- Dëmtime të nervave nga ndërhyrjet kirurgjikale ose traumat
