Përshëndetje doktor. Vëllai ka tre ditë që është diagnostifikuar nga mjeku infektolog me parotit. Vëllai ka enjtje në zoën e nofullës por ka një dhimbje të lehtë edhe në organin gjenital. Temperaturë nuk ka, është 16 vjeç dhe jam e shqetësuar për të ardhmen e tij. Mjeku infektolog i ka dhënë këtë mjekim: amoksicilinë, paracetamol dhe chymoral. Dua të nëse vëllai është prekur nga orkiti dhe a duhet të vazhdojë me këtë mjekim, si dhe sa është mundësia të mbesë infertil?
Përgjigjet mjeku infeksionist Gentian Stroni
Pacienti rezulton me prekje të testikujve, që do të thotë orkitis. Duhet trajtuar nga mjeku infeksionist, duke parë madhësinë e enjtjes që pacienti ka. Ekziston mundësia e infertilitetit, por kjo nuk mund të diagnostifikohet tani. Mjekimi i tanishëm do të jetë me kortizonik, e përshkruar sipas recetës së mjekut infeksionist.
