Nga mjeku Ismail Mema:
Kjo nuk është fare pozitive. Në periudhën e verës, me frekuentimin e plazheve, djersitja ndikon për të krijuar te veshi një dermatit të lehtë të lëkurës (sëmundje e lehtë e lëkurës), por situata mund të rëndohet deri në infeksion. Kruarjet e shpeshta rrezikojnë që të acarohet vatra e infeksionit dhe të vazhdojë infeksioni në një shkallë më të avancuar.
Njerëzit kanë një prirje që përdorin materiale të forta për kruarjen e veshit, si: çelsat e makinës (tipike), rezervat e stilolapsave, kunjat e shkrepëses, thoin, karficat e flokëve, duke rrezikuar çarjen e daulles së veshit, duke prishur edhe funksionin normal të veshit.
