Përse thonë që për grupin e gjakut 0 tërshëra nuk duhet të hahet. Është e vërtetë apo jo? Monda
Monda, përshëndetje!
Personi që ka shkruar për grupet e gjakut është Peter J D’Adamo, i cili vazhdoi teorinë e të atit, doktorit Xhejms D’Adamo. 
Lidhur me pyetjen tuaj, duhet thënë se teoria e ushqimit sipas grupeve të gjakut sugjeron se metabolizmi i personave me grup gjaku 0 toleron më shumë mishin sesa drithërat (ku hyn edhe tërshëra). Pra, nuk është e ndaluar, por mund të mos jetë shumë e tolerueshme në tretje.
Kjo teori vitet e fundit është hedhur poshtë nga disa studiues, duke u cilësuar si e pabazë (ndodh në mjekësi që ka përplasje të teorive të ndryshme).
Në raste të tilla është mirë që vetë individi të shohë se si reagon trupi i tij kur merr një ushqim të caktuar. Nëse ti përdor tërshërë dhe ndien që trupi yt nuk është shumë tolerant ndaj saj, mos e merr. Në të kundërt, mund ta përdorësh pa problem.
Lidhur me teorinë e ushqimit sipas grupeve të gjakut, ki parasysh edhe se për personat me grup gjaku 0 këshillohet që të kryejnë shumë aktivitet fizik për të qenë në gjendje të mirë shëndetësore.
