Lexoj shumë shpesh faqen tuaj në internet shendeti.com.al bashkë me këshillat që ajo ofron. Kam kohë që kam probleme me rënien e flokëve. Më duket se më bien shumë. A mund të më sugjeroni një recetë për rënien e flokëve, ju lutem.
Përgjigjet për gazetën “Shëndet+” dhe shendeti.com.al, dermatologia Blerta Gjoni, Poliklinika e Specialiteteve nr.3 në Tiranë
Rënia e flokut është shumë gjenerale dhe ka disa lloj shkaktarësh. Kontakti me mjekun është i domosdoshëm, pasi për të dhënë një recetë, së pari duhet të përcaktojmë shkakun. Rënia mund të vijë edhe si shkak i anemisë, nga mosfunksionimi i tiroides etj, ka shumë shkaktarë, ndaj unë do t’i këshilloja patjetër një vizitë tek mjeku dermatolog.
Ka dhe një gjë, pasi ndodh që vijnë pacientë të alarmuar, jemi në periudhën kur floku ndërrohet, por një vizitë tek mjeku dermatolog do t’ia rekomandoja, pasi vetëm kështu mund ta përcaktojmë diagnozën, për të dhënë dhe trajtimin e duhur.
