Jam një grua 43 vjeçare dhe doja të pyesja rreth një problemit tim. Sapo kam hyrë në periudhën e menopauzës dhe kanë nisur të më shfaqen probleme të tensionit të lartë. Doja të dija se si ndikon menopauza në shfaqjen e hipertensionit?
- AFËRDITA
- Për shqetësimin tuaj kemi pyetur mjekun kardiolog Valer Manushi:
“Është e vërtetë që menopauza ndikon në shfaqjen e problemeve të hipertensionit. Kjo lidhet me çregullimet që nisin të shfaqen në periudhën e menopauzës, për prodhimin e hormoneve,sidomos estrogjenit që ndihmon në mbrojtjen e enëve të gjakut nga arteriosklerozat. Në moment që këto hormone janë në nivele të ulta, nis formimi i arterosklerozave e për pasojë dhe hipertensioni”.
