Denisa Canameti / Shëndet+
Maji është muaji i ndërgjegjësimit për melanomën, një nga format më të rënda dhe më te rrezikshme te kancerit të lëkurës. Fondacioni botëror i melanomës, në bashkëpunim me shumë organizata të tjera, çdo vit muajin maj e rekomandojnë për sensibilizimin ndaj melanomës, duke qenë se afron edhe stina e verës.
Rrezatimi diellor është një nga faktorët më të rrezikshëm në shfaqjen e melanomës. Melanoma është një nga kanceret më të rrezikshme të lëkurës, që ka një rritje shumë të lartë të mortalitetit. Në të gjithë botën numërohen 132 mijë raste të reja në vit.
Çdo vend cakton një ditë apo një javë sensbilizimi për melanomën. Shoqata shqiptare e dermatologjisë-venerologjisë organizoi ditën e premte, më 6 maj 2016, një aktivitet sensibilizues, për t’i informuar më shumë qytetarët në lidhje me këtë kancer vdekjeprurës.
