Përshtati në shqip për gazetën “Shëndet+”: Blertina Koka
Angelina Jolie ka folur hapur rreth operacionit të saj kundër kancerit, duke u shprehur se do kishte dashur shumë që nëna e saj të kishte bërë të njëjtën gjë. Aktorja amerikane, e cila i është nënshtruar një ndërhyrje në vezore në vitin 2015 dhe dy ndërhyrjeve në gjoks në vitin 2013, është emocionuar teksa ka thënë se sa me fat ndihej që kishte marrë kaq shumë informacion për trajtimet e ndryshme kundër kancerit.
41-vjeçarja ndien dhimbje kur kujton nënën e saj Marcheline Bertrand, e cila u nda nga jeta në janar të vitit 2007, pas një beteje 8-vjeçare me kancerin e vezoreve.
“Do të doja që ajo t’i nënshtrohej operacionit dhe të jetonte më shumë vite me ne. Do të doja që të fliste me gratë e tjera dhe të ndanin historitë dhe idetë e tyre mbi kancerin. Mendoj se është shumë e rëndësishme që ne të ndajmë me të tjerët gjithçka që dimë për këtë sëmundje”u shpreh aktorja me lot në sy.
Burimi: The Sun / https://shendeti.com.al/
