Fatmirësisht, natyra na ka furnizuar me shumë substanca efektive antibakteriale, antifungale dhe antivirale, të gjitha në gjendje për të mbrojtur trupin e njeriut në mënyrë të sigurtë, të shëndetshme dhe me fuqi shëruese të thella.
Hudhra: 
Hudhra është një nga antibiotikët natyral më të fuqishëm, e aftë për të mbytur bakteret njësoj si ilaçet antibiotike. Ndryshe nga antibiotikët kimikë, hudhra është gjithashtu një antiviral i efektshëm dhe antifungal, kështu që një hudhër në ditë ju shpëton nga shumë infeksione parazitale.
Disa nga sëmundjet që mund të japë efektivitet hudhra janë: diarreja kronike, herpesi gjenital, infeksionet e ndryshme kronike etj. Hudhra ka qënë gjithashtu e dobishme për diabetin, hipertensionin, alergjinë, dhimbje dhëmbësh, impotencë, sëmundjet e zemrës dhe kolesterolin e lartë. Që të ketë efektet e saj antibiotike, hudhra duhet të konsumohet e freskët, sepse nëse futet në gatime apo nëse merret si erëz në formë pluhuri, humbet shumë nga vetitë e saj kurative. Përbërësi më aktiv në uthull është allicina, e cila është e ngjashme me penicilinën.
Qepa: Qepa ka disa veti të ngjashme medicinale me hudhrën, dhe si e tillë mund të ndihmojë në reduktimin e dhimbjeve, inflamacionit etj. Qepa përmban substanca anti-inflamatore që rrisin qarkullimin, lehtësojnë pektorisin dhe është e përdorur gjerësisht për trajtimin e gripit, të ftohurës dhe kollës së vazhdueshme.
Farat e grejpfrutit: Përbërësit aktiv që përmbajnë farat e këtij fruit (edhe tuli i tij,por në sasi më të vogla), janë ekstrakte jo toksike që përdoren për të vrarë një sërë virusesh dhe bakteresh si: Salmonella, E.coli, herpes etj
Frutat dhe perimet që përmbajnë nivele të larta të vitaminës C: Vitamina C ndihmon në forcimin e sistemit imunitar të trupit dhe jep aftësinë për të luftuar sëmundjet. Frutat dhe perimet me nivele të larta të vitaminës C janë të rekomanduara për shkak se veprojnë si antibiotik natyral në luftimin e viruseve dhe baktereve të ndryshme infektive.
Frutat e pasura me vitaminë C janë: portokalli, limoni, kivi, luleshtrydhja, ananasi, mango, kumbulla dhe shalqini. Perimet e pasura me vitaminë C janë: specat, lakra jeshile, brokoli, lakra e brukselit, lulelakra, shpargu, domatet dhe spinaqi.
Përshtati në shqip për “Shëndet+”: Daniela Bardhi
