Përshtati në shqip për gazetën “Shëndet+”: Blertina Koka
Një vajzë autike e festoi e vetmuar ditëlindjen e saj të 18-të, pasi asnjë nga miqtë nuk i shkoi në festë. Hallee Sorenson, nga SHBA, i ftoi të gjithë shokët e klasës dhe miqtë për të festuar ditën e saj speciale me klub boulingu dhe ëmbëlsira, por asnjë nuk shkoi.
Ngjarja ka ndodhur korrikun e vitit të kaluar, por u bë publike para disa ditësh, pasi një kushërira e saj postoi një foto prekëse të vajzës duke festuar e vetmuar ditëlindjen e saj të 18-të. Kushërira e saj e shpërndau foton në Facebook me shpresën që Halle të mos i festonte më vetëm ditëlindjet.
Rebecca përdori fuqinë e medias sociale për të përhapur historinë e trishtë të kushërirës së saj, dhe u kërkoi njerëzve që t’i dërgojnë kartolina me urime për t’ia bërë këtë vit ditëlindjen të paharrueshme.
“Hallee priti me shumë ankth miqtë e saj në ditëlindje që të bënin qejf, por asnjë nga miqtë nuk erdhi. As edhe një i vetëm” tregon Rebecca.
“Por, ju mund ta na ndihmoni që t’ia bëjmë këtë vit ditëlindjen të jashtëzakonshme!”
“Do doja që t’ia mbushim adresën e saj të email me urime për ditëlindje, nga e gjithë bota! Hal e pëlqen shumë të marrë email, kjo mund të jetë dhurata më e mirë për ditëlindje që ajo mund të kërkojë”.
Lyn e shkroi postimin të mërkurën dhe për vetëm 48 orë ka marrë më shumë se 120 mijë shpërndarje.
Burimi: Daily Mail / https://shendeti.com.al/
