Përshendetje, kisha nevojë për një informacion. Jam 38 vjeçe, nënë e dy fëmijëve, por kam disa kohë që zgjohem në mëngjes me marrje mendsh. Gjithashtu, kam një lodhje të përgjithshme dhe në disa raste dhe rrahje të shpejta të zemrës. Doja të dija çfarë vizite apo analizash duhet të bëj pasi nuk dua të sorollatem. Faleminderit!
Mjekja kardiologe Manjola Liko
Përgjigjet mjekja kardiologe Manjola Liko
Përshëndetje! Referuar rastit të zonjës them se fillimisht duhet të bëjë një monitorim të tensionit 3 herë në ditë për 1 javë rresht. Gjithashtu, një bilanc biokimik.
Nëse tensioni arterial dhe bilanci biokimik dalin brenda vlerave normale, pacientja të bëjë një konsultë me mjekun ORL (otorinolaringolog).
Nëse edhe mjeku ORL nuk konstaton ndonjë problem, duhet të bëjë grafinë e qafës. Pas kësaj duhet të konsultohet me mjekun reumatolog.
