Përshtati në shqip për “shendeti.com.al”: D.Bardhi
Leucemia akute limfoblastike është kanceri i qelizave të bardha të gjakut. Ka dy lloje qelizash të bardha të gjakut, limfocidet dhe qelizat mieloide. Të dy llojet e qelizave veprojnë sëbashku për të luftuar infeksionet. Normalisht, qelizat e bardha të gjakut riparohen dhe riprodhohen në mënyrë të rregullt dhe të kontrolluar. Por në leucemi, procesi del jashtë kontrollit dhe qelizat vazhdojnë të ndahen në palcën e eshtrave. Këto qeliza që ndahen nuk arrijnë të piqen dhe nuk e lejojnë formimin e qelizave të shëndetshme të gjakut dhe për pasojë e bëjnë të pamundur luftimin e infeksioneve.
Kjo gjë çon në rritjen e rrezikut të infektimit, për shkak se palca e kockave nuk mund të prodhojë qeliza të shëndetshme të kuqe të gjakut dhe trombocide, gje e cila ju con në simptoma të tilla si anemi apo rrjedhje gjaku.
Ekzistojnë 4 lloje të leucemisë:
- Leucemia limfoblastike akute
- Leucemia mieloide akute
- Leucemia limfocitike kronike
- Leucemia mieloide kronike
Format kronike të sëmundjes priren të zhvillohen tek të rriturit dhe janë shumë të rralla tek fëmijët. Shkaqet e leucemisë limfoblastike akute ende nuk dihen.
Simptomat janë të ngjashme me format e tjera të leucemisë dhe përfshijnë:
- Lodhje e vazhdueshme për shkak të anemisë, që shkaktohet nga mungesa e qelizave të kuqe të gjakut.
- Rrjedhje gjaku nga hundët.
- Gjakderdhje që nuk ndalon për një kohë të gjatë, për shkak të nivelit të ulët të trombocideve, të cilat ndihmojnë në mpiksjen e gjakut.
- Infeksionet e vazhdueshme për shkak të nivelit të ulët të qelizave të bardha të gjakut.
- Sëmundje të shpeshta
- Dhimbje të vazhdueshme
- Gjendra limfatike të fryra.
Burimi: Daily Mail & Macmillan Cancer Support
