Çfarë rekomandohet nëse digjemi nga dielli?

Në radhë të parë rekomandohen banja dhe kompresa të freskëta për të larguar ndjenjën e nxehtësisë. Pastaj aplikohen xhelëra me aloe vera që ndihmojnë rigjenerimin e lëkurës, si edhe kremra hidratues. Për lehtësimin e dhimbjeve dhe të dridhurave mund të përdorim paracetamol ose ibuprofen. Por, nëse gjendja është serioze dhe me temperaturë të vazhdueshme, nuk duhet të ngurrojmë të shkojmë te mjeku. Mjaft e rëndësishme gjatë verës për hidratimin e lëkurës është përdorimi i shumtë i lëngjeve.