Arrat, bajamet, lajthitë, stikat janë ushqime të çmuara për muajin e festave për të pasuruar ëmbëlsirat, shoqëruar pijet dhe qerasur miqtë. Ato përmbajnë sasi të mëdha acidesh lyrore që trupi ynë nuk i prodhon dot. Këto acide lyrore esenciale janë të domosdoshme për mbarëvajtjen e sistemit nervor.
Këshillë: konsumi i përditshëm i frutave të thata lidhet me jetë më të gjatë dhe më të shëndetshme! Arrat veçanërisht janë të pasura në melatoninë, një hormon që rregullon ciklin e gjumit.
Kujdes: personat që kanë acid urik të lartë në gjak, duhet t’i evitojnë frutat e thata!
Ide gatimi: përdorini gjerësisht në sallata, fruta, kos dhe midis vakteve kryesore. Kujdesuni të jenë të freskëta dhe të ruajtura mirë pasi janë delikate ndaj oksidimit! Nëse keni durim t’i ëeroni vetë, jeni vërtet të fituar!
Vetëm se… nëse doni të përfitoni maksimumin nga frutat e thata, si dhe farat, duhet t’i konsumoni të papjekura, sa më të reja dhe të ruajtura me kushtet e përshtatshme.
