Përshtati për gazetën “Shëndet+”: Blertina Koka
Së pari duhet të keni parasysh diçka: Sulmet në zemër nuk ndodhin vetëm tek të moshuarit apo meshkujt mbipeshë.
Sipas një studimi të kryer nga Shoqata Amerikane e Zemrës, rreth 50 mijë femra kanë vdekur në vitin 2014 nga sulmet në zemër.
Simptomat e atakut në zemër mund të jenë pak më lehta tek femrat krahasuar me meshkujt. Një nga simptomat kryesore që paralajmëron atakun kardiak është dhimbja e gjoksit. Por, femrat mund të kenë edhe dhimbje të nofullave, që është një shenjë e atakut kardiak. Sipas Shoqatës Amerikane të Zemrës, nëse zemra nuk po funksionon siç duhet, femrat do të kenë dhimbje të nofullave, qafës ose shpinës, simptoma këto që nuk vërehen tek meshkujt.
Edhe pse mund të kenë dhimbje, femrat priren t’i anashkalojnë ato. Sipas Shoqatës Amerikane të Zemrës, femrat presin rreth 54 orë para se të vizitojnë një doktor, ndërsa meshkujt presin vetëm 16 orë. Femrat presin derisa gjendja të përkeqësohet dhe të pësojnë ndonjë shok në zemër, duke vënë kështu jetën në rrezik.
Burimi: Yahoo Health/ https://shendeti.com.al/
